muqaddas hath

mire haath kitne muqaddas

jo vaqt-e-duā arsh-e-a.azam ko chhū leñ

amiiñ haiñ mire āñsūoñ ke

jo dāman se pahle inhī par gire the

mire haath sab par muqaddam

jo taqdīr merī banāte rahe haiñ

jo taqdīr likhte likhāte rahe haiñ

lakīreñ mire haath meñ jo banī haiñ

inheñ chūmtā huuñ

inheñ rehl-o-juzdāñ kī hājat nahīñ hai

na ye taaq ke dāman-e-nā-rasā meñ

ye kashf-o-karāmat kī duniyā se aarī

ye harf-o-hikāyat se bebāk mutlaq

amal in kā pesha amal in kī jannat

ye jannat ke rahbar

duāoñ ke shahpar

mire haath kitne muqaddas

mere hath kitne muqaddas

jo waqt-e-dua arsh-e-azam ko chhu len

amin hain mere aansuon ke

jo daman se pahle inhi par gire the

mere hath sab par muqaddam

jo taqdir meri banate rahe hain

jo taqdir likhte likhate rahe hain

lakiren mere hath mein jo bani hain

inhen chumta hun

inhen rehl-o-juzdan ki hajat nahin hai

na ye taq ke daman-e-na-rasa mein

ye kashf-o-karamat ki duniya se aari

ye harf-o-hikayat se bebak mutlaq

amal in ka pesha amal in ki jannat

ye jannat ke rahbar

duaon ke shahpar

mere hath kitne muqaddas