mutalba

ye kyā huā

ki tīrgī se shaam kī ḳhalīj paaT dī ga.ī

ye kyā huā

mirī ḳhamoshiyoñ kī har sadā

jahāñ ke shor-o-ġhul se kaaT dī ga.ī

ye kyā huā ki aaj kā bhī din tamām ho gayā

abhī ba-vaqt-e-sub.h sirf sub.h thā

zarā sī der baa'd shaam ho gayā

to kitnā ḳharch ho chukā huuñ

kitnā rah gayā huuñ maiñ

mujhe hisāb chāhiye

vahī savāl aaj is ko phir javāb chāhiye

ye aañkh shor kar rahī hai is ko ḳhvāb chāhiye

shab-e-siyāh aaj mujh ko māhtāb chāhiye

sharāb chāhiye

ye kya hua

ki tirgi se sham ki KHalij paT di gai

ye kya hua

meri KHamoshiyon ki har sada

jahan ke shor-o-ghul se kaT di gai

ye kya hua ki aaj ka bhi din tamam ho gaya

abhi ba-waqt-e-subh sirf subh tha

zara si der ba'd sham ho gaya

to kitna KHarch ho chuka hun

kitna rah gaya hun main

mujhe hisab chahiye

wahi sawal aaj is ko phir jawab chahiye

ye aankh shor kar rahi hai is ko KHwab chahiye

shab-e-siyah aaj mujh ko mahtab chahiye

sharab chahiye