muzahimaton ke ahd-nigar

un se kahnā ki vo

apnī is jañg meñ

ab akele nahīñ

aaj kī jañg sab kī hai

aur saare vaqtoñ kī hai

apne apne mahāzoñ kī dahlīz par

ham bhī morcha-band aur saf-ba-saf un ke ham-dosh haiñ

ham ki ḳhāmosh haiñ

ham ki ḳhāmosh haiñ ketlī kā talātum nahīñ

chīḳhne ke hunar-shanāsā nahīñ

be-mahal halq-bāzoñ

añdhere ke af-af-zanoñ kī tarah

un se kahnā

ki ham lamhe lamhe ke hamrā dhaḌakte hue

apne hone kī har shakl par

ḳhud gavāhī bane

aaj kī jañg meñ

un ke ham-dosh haiñ

aur sar-e-sīna-o-dosh tāñbā nā lohā magar ham nihatte nahīñ

amn bhī haiñ mohabbat bhī ham

razm bhī dars-e-ibrat bhī ham

sidq ke zor se

fikr kī kaaT aur dard kī dhaar se lais shamshīr-e-ḳhāma siper-e-lauh ham

un se kahnā

ki jo aaj kī jañg vo laḌ rahe haiñ

vo sab kī hai aur saare vaqtoñ kī

aur un kī tarah

ham bhī is jañg meñ

apne apne mahāzoñ pe parcham-kushā

in ke ham-dosh haiñ

apne ādarsh kī chaukiyoñ ke nigah-dār ġhāfil nahīñ

garche ḳhāmosh haiñ

un se kahna ki wo

apni is jang mein

ab akele nahin

aaj ki jang sab ki hai

aur sare waqton ki hai

apne apne mahazon ki dahliz par

hum bhi morcha-band aur saf-ba-saf un ke ham-dosh hain

hum ki KHamosh hain

hum ki KHamosh hain ketli ka talatum nahin

chiKHne ke hunar-shanasa nahin

be-mahal halq-bazon

andhere ke af-af-zanon ki tarah

un se kahna

ki hum lamhe lamhe ke hamra dhaDakte hue

apne hone ki har shakl par

KHud gawahi bane

aaj ki jang mein

un ke ham-dosh hain

aur sar-e-sina-o-dosh tanba na loha magar hum nihatte nahin

amn bhi hain mohabbat bhi hum

razm bhi dars-e-ibrat bhi hum

sidq ke zor se

fikr ki kaT aur dard ki dhaar se lais shamshir-e-KHama siper-e-lauh hum

un se kahna

ki jo aaj ki jang wo laD rahe hain

wo sab ki hai aur sare waqton ki

aur un ki tarah

hum bhi is jang mein

apne apne mahazon pe parcham-kusha

in ke ham-dosh hain

apne aadarsh ki chaukiyon ke nigah-dar ghafil nahin

garche KHamosh hain