na jaane kyon

ab jo vo paas se katrā ke guzar jaate haiñ

be-ḳhudī meñ koī taqsīr huī hai shāyad

ab jo vo aañkh milāte hue sharmāte haiñ

zauq-e-āvāra kī tash.hīr huī hai shāyad

ab vo uglā sā unheñ zauq-e-takallum bhī nahīñ

un ke tarshe hue hoñToñ pe tabassum bhī nahīñ

yā to vo bār-e-javānī se pareshān se haiñ

yā unheñ chheḌtī rahtī hai mohabbat kī nazar

yā tamannāoñ ne tūfān uThā rakkhā hai

yā khaTaktī hai kaleje meñ sharārat kī nazar

varna yuuñ bantī huī baat bigaḌtī hai kabhī

jo nazar mil ga.ī ik baar vo laḌtī hai kabhī

ab jo wo pas se katra ke guzar jate hain

be-KHudi mein koi taqsir hui hai shayad

ab jo wo aankh milate hue sharmate hain

zauq-e-awara ki tashhir hui hai shayad

ab wo ugla sa unhen zauq-e-takallum bhi nahin

un ke tarshe hue honTon pe tabassum bhi nahin

ya to wo bar-e-jawani se pareshan se hain

ya unhen chheDti rahti hai mohabbat ki nazar

ya tamannaon ne tufan uTha rakkha hai

ya khaTakti hai kaleje mein shararat ki nazar

warna yun banti hui baat bigaDti hai kabhi

jo nazar mil gai ek bar wo laDti hai kabhi