na-malum

dev-malāoñ ke sutūnoñ par khaḌī hone vaalī deviyāñ

shahzādoñ ke parastār hone kā intizār kartī haiñ

ek shahzāde ko harām-zāda banñe meñ

faqat kisī shaah kī shah darkār hotī hai

harām-zadgī bahar-hāl ek kaifiyat hai

jabki harām-kārī ek amal

chūñki a.amāl kā dār-o-madār niyyatoñ par hai

is liye deviyoñ par shak karnā himāqat hai

magar Descartes kā kahnā hai

sach ke idrāk ke liye shak nā-guzīr hai

sach vahī hai jo devmālā.ī nahīñ hai

sach vo bhī hai jo nafī ke munāfī hai

magar nafī ba-zāt-e-ḳhud hone kī dalīl hai

man-ghaḌañt devtāoñ ke haañ aurat zalīl hai

jabki aurat ke yahāñ quvvat-e-taḳhlīq hai

taḳhlīq se magar tāqat ko taklīf hai

taklīf kā ilaaj devmālāoñ kī ījād hai

aur ījād kī maañ to zarūrat hai

zarūrat kā baap albatta nā-ma.alūm hai

dew-malaon ke sutunon par khaDi hone wali dewiyan

shahzadon ke parastar hone ka intizar karti hain

ek shahzade ko haram-zada banne mein

faqat kisi shah ki shah darkar hoti hai

haram-zadgi bahar-haal ek kaifiyat hai

jabki haram-kari ek amal

chunki aamal ka dar-o-madar niyyaton par hai

is liye dewiyon par shak karna himaqat hai

magar Descartes ka kahna hai

sach ke idrak ke liye shak na-guzir hai

sach wahi hai jo dewmalai nahin hai

sach wo bhi hai jo nafi ke munafi hai

magar nafi ba-zat-e-KHud hone ki dalil hai

man-ghaDant dewtaon ke han aurat zalil hai

jabki aurat ke yahan quwwat-e-taKHliq hai

taKHliq se magar taqat ko taklif hai

taklif ka ilaj dewmalaon ki ijad hai

aur ijad ki man to zarurat hai

zarurat ka bap albatta na-malum hai