nadida firaq

baaġh meñ iztirāb aisā hai

jaise guhar meñ kartā hai qatra iztirāb

ye ḳhizāñ kī hī to baḳhshish hai

jo aatī hai bahār

kulfateñ aur iztirāb aur un ke saath saath

vasl-e-ḳhizāñ hī zindagī meñ

ast hai paivast hai

ye añdherī shab hai kaisī

duur tak jaltī nahīñ mash.al koī

koī charāġh

dil hī jaltā hai mirā

aur us kī raushnī meñ

but-kade ke dar ko kholā

but vahāñ thā hī nahīñ

but kahāñ gum ho gayā

farsh se sātoñ arsh tak

maiñ ne kiyā us ko talāsh

lekin har ik moḌ pe thā

soḳhtan kā ek baab

iztirāb aisā thā

us meñ kulfateñ thiiñ sau bharī

aur ḳhizāñ bhī

saath un kā de rahī thī sar-phirī

vaañ karam ko uzr-e-bārish thā

ināñ-gīr-e-ḳhirām

aur girye se mire takiye meñ

ik sailāb thā

baaġh meñ iztirāb aisā hai

jaise guhar meñ kartā hai qatra iztirāb

bagh mein iztirab aisa hai

jaise guhar mein karta hai qatra iztirab

ye KHizan ki hi to baKHshish hai

jo aati hai bahaar

kulfaten aur iztirab aur un ke sath sath

wasl-e-KHizan hi zindagi mein

ast hai paiwast hai

ye andheri shab hai kaisi

dur tak jalti nahin mashal koi

koi charagh

dil hi jalta hai mera

aur us ki raushni mein

but-kade ke dar ko khola

but wahan tha hi nahin

but kahan gum ho gaya

farsh se saton arsh tak

main ne kiya us ko talash

lekin har ek moD pe tha

soKHtan ka ek bab

iztirab aisa tha

us mein kulfaten thin sau bhari

aur KHizan bhi

sath un ka de rahi thi sar-phiri

wan karam ko uzr-e-barish tha

inan-gir-e-KHiram

aur girye se mere takiye mein

ek sailab tha

bagh mein iztirab aisa hai

jaise guhar mein karta hai qatra iztirab