nae khilaune

hanD kuliya aur guḌiyā guDDe kī shādī kā khel rachā kar

naT-khaT laḌkī

vaqt se pahle bāliġh ho kar

'aurat ban kar

taj detī hai khel khilaune

hanD kuliya aur guDDe guḌiyā ke sab nāTak

kal kī laḌkī

aañkh jhapakne kī derī meñ

sughaḌ siyānī ek girahstan ban jaatī hai

lekin laḌke

mard kahāñ bante haiñ vo to

der talak laḌke rahte haiñ

bachpan aur laḌakpan ke sab khel khilaune

vaqt guzarne par bhī un ke saath saath chalte rahte haiñ

farq hai itnā

laḌkoñ ke vo saare khilaune

kam-qīmat hote the lekin

mardoñ ke ye na.e khilaune

behad mahñge

jin kā

mol chukāne kī ḳhātir mardoñ ko

ḳhud bhī bik jaanā paḌtā hai

hanD kuliya aur guDiya guDDe ki shadi ka khel racha kar

naT-khaT laDki

waqt se pahle baaligh ho kar

'aurat ban kar

taj deti hai khel khilaune

hanD kuliya aur guDDe guDiya ke sab naTak

kal ki laDki

aankh jhapakne ki deri mein

sughaD siyani ek girahstan ban jati hai

lekin laDke

mard kahan bante hain wo to

der talak laDke rahte hain

bachpan aur laDakpan ke sab khel khilaune

waqt guzarne par bhi un ke sath sath chalte rahte hain

farq hai itna

laDkon ke wo sare khilaune

kam-qimat hote the lekin

mardon ke ye nae khilaune

behad mahnge

jin ka

mol chukane ki KHatir mardon ko

KHud bhi bik jaana paDta hai