nae sal ki saughat

maiñ na.e saal kī sauġhāt tujhe kyā bhejūñ

ik barahman ne kahā hai ki ye saal achchhā hai

mah-vashoñ zohra-jabīnoñ kā ḳhayāl achchhā hai

ya.anī biite hue maazī se ye haal achchhā hai

sar-phiroñ ke liye ulfat kā vabāl achchhā hai

jitne armān haiñ siine meñ nikāl achchhā hai

raat bhar zehn isī fikr meñ hairān rahā

terī zulfoñ kī tarah maiñ bhī pareshān rahā

dil meñ ik dard kā chaḌhtā huā tūfān rahā

ḳhālī-ḳhālī sā ḳhayālāt kā gul-dān rahā

dasht-e-hasrat meñ bahut der pareshān rahā

koī taḳhlīq koī sher koī nazm-o-ġhazal

koī guldasta-e-afkār ḳhayāloñ kā mahal

koī naġhma koī ḳhushbū koī yādoñ kā kañval

koī tasvīr koī ḳhat koī uḌtā bādal

painting koī koī art kā taaza model

mashvara dil kā hai mehr-o-mah-o-anjum bhejo

vaqt kahtā hai ki ab ḳhosha-e-gandum bhejo

main nae sal ki saughat tujhe kya bhejun

ek barahman ne kaha hai ki ye sal achchha hai

mah-washon zohra-jabinon ka KHayal achchha hai

yani bite hue mazi se ye haal achchha hai

sar-phiron ke liye ulfat ka wabaal achchha hai

jitne arman hain sine mein nikal achchha hai

raat bhar zehn isi fikr mein hairan raha

teri zulfon ki tarah main bhi pareshan raha

dil mein ek dard ka chaDhta hua tufan raha

KHali-KHali sa KHayalat ka gul-dan raha

dasht-e-hasrat mein bahut der pareshan raha

koi taKHliq koi sher koi nazm-o-ghazal

koi guldasta-e-afkar KHayalon ka mahal

koi naghma koi KHushbu koi yaadon ka kanwal

koi taswir koi KHat koi uDta baadal

painting koi koi art ka taza model

mashwara dil ka hai mehr-o-mah-o-anjum bhejo

waqt kahta hai ki ab KHosha-e-gandum bhejo