nanha munna tara

maiñ ne khiḌkī meñ se dekhā ik nanhā munnā taarā

maiñ ne us ko bulāyā maiñ ne us ko pukārā

yuuñ to chupke chaap khaḌā thā lekin mujh ko dekh rahā thā

shāyad vo bhī soch rahā thā mere dil meñ samā.egā

phir vo jugnū ban ke chamkā aur ākāsh meñ aise lapkā

jaise paañv paañv chal ke merī god meñ aa.egā

maiñ ne us ko pukārā maiñ ne us ko bulāyā

vo to kiran kiran mere ghar meñ chalā aayā

merā nanhā munnā taarā

vo hai saath nibhāne vaalā mujh ko TuuT ke chāhne vaalā

jab dil ġham se bojhal ho to merī aas bañdhātā hai

mujh se khele āñkh-micholī bāteñ kar ke bholī-bhālī

merā nanhā sā ham-jolī merā jī bahlātā hai

aisā achchhā sāthī paayā phir to merā dil bhī chāhā

maiñ bhī duur karūñ añdhiyārā maiñ bhī ban jā.ūñ ik taarā

maiñ huuñ nanhā munnā taarā

main ne khiDki mein se dekha ek nanha munna tara

main ne us ko bulaya main ne us ko pukara

yun to chupke chap khaDa tha lekin mujh ko dekh raha tha

shayad wo bhi soch raha tha mere dil mein samaega

phir wo jugnu ban ke chamka aur aakash mein aise lapka

jaise panw panw chal ke meri god mein aaega

main ne us ko pukara main ne us ko bulaya

wo to kiran kiran mere ghar mein chala aaya

mera nanha munna tara

wo hai sath nibhane wala mujh ko TuT ke chahne wala

jab dil gham se bojhal ho to meri aas bandhata hai

mujh se khele aankh-micholi baaten kar ke bholi-bhaali

mera nanha sa ham-joli mera ji bahlata hai

aisa achchha sathi paya phir to mera dil bhi chaha

main bhi dur karun andhiyara main bhi ban jaun ek tara

main hun nanha munna tara