nannhi aarzu

apne allāh se lau lagā.ūñ maiñ

zindagī ḳhūb-tar banā.ūñ maiñ

sab ko apne gale lagā.ūñ maiñ

ek bachche kī aarzū hai ye

ek bachche kī justujū hai ye

nekiyoñ ko jahāñ meñ aam karūñ

bas yahī kaam sub.h-o-shām karūñ

jag meñ raushan vatan kā naam karūñ

ek bachche kī aarzū hai ye

ek bachche kī justujū hai ye

saarī duniyā ke kaam aa.uuñ maiñ

bhūle bhaTkoñ ko rah dikhā.ūñ meñ

sab ko paiġhām-e-haq sunā.ūñ meñ

ek bachche kī aarzū hai ye

ek bachche kī justujū hai ye

sab se pesh aa.uuñ maiñ sharāfat se

baat sab se karūñ mohabbat se

pyaar ho mujh ko ilm-o-hikmat se

ek bachche kī aarzū hai ye

ek bachche kī justujū hai ye

apne allah se lau lagaun main

zindagi KHub-tar banaun main

sab ko apne gale lagaun main

ek bachche ki aarzu hai ye

ek bachche ki justuju hai ye

nekiyon ko jahan mein aam karun

bas yahi kaam subh-o-sham karun

jag mein raushan watan ka nam karun

ek bachche ki aarzu hai ye

ek bachche ki justuju hai ye

sari duniya ke kaam aaun main

bhule bhaTkon ko rah dikhaun mein

sab ko paigham-e-haq sunaun mein

ek bachche ki aarzu hai ye

ek bachche ki justuju hai ye

sab se pesh aaun main sharafat se

baat sab se karun mohabbat se

pyar ho mujh ko ilm-o-hikmat se

ek bachche ki aarzu hai ye

ek bachche ki justuju hai ye