naqqad

naqqād se milnā hai ḳhatarnāk ki har-dam

vo hālat-e-tabḳhīr-e-taḳhayyul meñ milegā

din raat vo ik ḳhaas akaḌfūñ kī adā se

zehniyat-e-ma.akūs ke farġhul meñ milegā

bas ek hī mehvar pe vo nāchegā hamesha

jab dekhiye girdāb-e-taqābul meñ milegā

kaifiyyat-e-qabz us kī tabī.at meñ rahegī

zehn us kā mazāfāt-e-ta.attul meñ milegā

lailā-e-suḳhan paas phaTakne jo na degī

uljhā huā tanqīd ke kākul meñ milegā

kavvoñ ke suḳhan par vo taqārīz likhegā

aur maz.haka-e-naġhma-e-bulbul meñ milegā

yā raat ko bistar pe vo baiThā huā ukḌū

pencil liye tanqīs-e-taġhazzul meñ milegā

naqqad se milna hai KHatarnak ki har-dam

wo haalat-e-tabKHir-e-taKHayyul mein milega

din raat wo ek KHas akaDfun ki ada se

zehniyat-e-makus ke farghul mein milega

bas ek hi mehwar pe wo nachega hamesha

jab dekhiye girdab-e-taqabul mein milega

kaifiyyat-e-qabz us ki tabiat mein rahegi

zehn us ka mazafat-e-tattul mein milega

laila-e-suKHan pas phaTakne jo na degi

uljha hua tanqid ke kakul mein milega

kawwon ke suKHan par wo taqariz likhega

aur mazhaka-e-naghma-e-bulbul mein milega

ya raat ko bistar pe wo baiTha hua ukDu

pencil liye tanqis-e-taghazzul mein milega