naya sal

ye kyā mājrā hai ye kyā mājrā hai

ki har shai na.ī hai nazāra nayā hai

jidhar aañkh uThāo samāñ nuur kā hai

ḳhushī kā zamāne pe hai rang chhāyā

mubārak ho bachcho nayā saal aaya

jo guzrā so guzrā use bhuul jaao

uTho haañ uTho aur himmat dikhāo

paḌho shauq se aur in.aam paao

tarāna yahī aaj har ik ne gaayā

mubārak ho bachcho nayā saal aaya

koī jā rahā hai koī aa rahā hai

ghaTā kī tarah har taraf chhā rahā hai

ġharaz jis ko dekho baḌhā jā rahā hai

vahī baḌh gayā paañv jis ne baḌhāyā

mubārak ho bachcho nayā saal aaya

jo haiñ ham-jamā.at karo un se ulfat

kareñge phir ustād tum se mohabbat

karo baap maañ kā adab aur izzat

salāmat rahe in buzurgoñ kā saaya

mubārak ho bachcho nayā saal aaya

ye kya majra hai ye kya majra hai

ki har shai nai hai nazara naya hai

jidhar aankh uThao saman nur ka hai

KHushi ka zamane pe hai rang chhaya

mubarak ho bachcho naya sal aaya

jo guzra so guzra use bhul jao

uTho han uTho aur himmat dikhao

paDho shauq se aur inam pao

tarana yahi aaj har ek ne gaya

mubarak ho bachcho naya sal aaya

koi ja raha hai koi aa raha hai

ghaTa ki tarah har taraf chha raha hai

gharaz jis ko dekho baDha ja raha hai

wahi baDh gaya panw jis ne baDhaya

mubarak ho bachcho naya sal aaya

jo hain ham-jamaat karo un se ulfat

karenge phir ustad tum se mohabbat

karo bap man ka adab aur izzat

salamat rahe in buzurgon ka saya

mubarak ho bachcho naya sal aaya