nazar bhar dekh lun bas

pata hai

tumhāre saath

mere saath

kitne ittifāq ik saath hue hoñge

to ye sūrat banī hai

ki ham ik saath sāñseñ le rahe haiñ

ki ham ik saath haiñ is vaqt duniyā meñ

yahī sab se baḌā rishta hai shāyad mujh meñ tum meñ

maiñ aisā jāntā huuñ

ki is rishte se har insāñ jo duniyā meñ hai rishte-dār hai merā

magar in rishte-dāroñ ko nahīñ ma.alūm mere

maiñ kyā lagtā huuñ in kā

so maiñ bhī

ta.āruf is havāle se kabhī un ko nahīñ detā

mirī ḳhvāhish bas itnī hai ki maiñ jaane se pahle is jahāñ se

ziyāda se ziyāda apne logoñ ko nazar bhar dekh luuñ bas

to chhū kar dekh luuñ bas

samajh meñ aa gayā ab

sahar se shaam tak maiñ kis liye saḌkoñ pe phirtā huuñ

maiñ khiḌkī se lagī ik seat kī ḳhātir safar meñ

kisī bachche kī sūrat kyuuñ jhagaḌtā huuñ

pata hai

tumhaare sath

mere sath

kitne ittifaq ek sath hue honge

to ye surat bani hai

ki hum ek sath sansen le rahe hain

ki hum ek sath hain is waqt duniya mein

yahi sab se baDa rishta hai shayad mujh mein tum mein

main aisa jaanta hun

ki is rishte se har insan jo duniya mein hai rishte-dar hai mera

magar in rishte-daron ko nahin malum mere

main kya lagta hun in ka

so main bhi

taaruf is hawale se kabhi un ko nahin deta

meri KHwahish bas itni hai ki main jaane se pahle is jahan se

ziyaada se ziyaada apne logon ko nazar bhar dekh lun bas

to chhu kar dekh lun bas

samajh mein aa gaya ab

sahar se sham tak main kis liye saDkon pe phirta hun

main khiDki se lagi ek seat ki KHatir safar mein

kisi bachche ki surat kyun jhagaDta hun