nazm

raat kaisī mehrbān hai

rotī āñkhoñ ke raaz

aur bhīge takiyoñ ke

saare bharam rakh letī hai

raat siyāh hai magar

safed āñkhoñ kā haath pakaḌ kar

rangīn ḳhvāboñ kā rāsta dikhātī hai

khurdure jism kī saarī shikneñ

apne nāzuk badan kī tahoñ meñ chhupā letī hai

kabhī apnī god meñ le kar

thapak thapak kar sulātī hai

kabhī kāñdhe se lagā.e

lorī sunātī hai

din bhar ke dukhoñ kī saarī girheñ

ek ek kar ke kholtī hai

boltī nahīñ par suntī hai

mīThī niiñd ke jhūle meñ sulā kar

bāloñ meñ haath phertī

sirhāne baiThī ūñghtī rahtī hai

kitnī pāgal hai nā

mujhe to raat bhī maañ lagtī hai

raat kaisi mehrban hai

roti aankhon ke raaz

aur bhige takiyon ke

sare bharam rakh leti hai

raat siyah hai magar

safed aankhon ka hath pakaD kar

rangin KHwabon ka rasta dikhati hai

khurdure jism ki sari shiknen

apne nazuk badan ki tahon mein chhupa leti hai

kabhi apni god mein le kar

thapak thapak kar sulati hai

kabhi kandhe se lagae

lori sunati hai

din bhar ke dukhon ki sari girhen

ek ek kar ke kholti hai

bolti nahin par sunti hai

miThi nind ke jhule mein sula kar

baalon mein hath pherti

sirhane baiThi unghti rahti hai

kitni pagal hai na

mujhe to raat bhi man lagti hai