nazm

agar tumhāre tiin hazār peḌoñ meñ se

ek maiñ bhī hotī to

ek saal meñ

chhe spray ek khaad

aur tumhārī hazāroñ chāhat bharī nazreñ

mujhe nasīb hotī aur tab

dil sogvār na hotā

merī har Tahnī

tum apne hāthoñ tarāshte

maiñ sañvar jaatī

havā mujh meñ saañs bhartī

dhuup aur bādal

mere dil kī surḳh sachchā.iyoñ meñ jhilmil karte

aur na jaane kitne surḳh phūloñ se

maiñ farozāñ rahtī

merī zaat kī kyārī se

tumhārī zaat ke ahāte tak

tamāzat aur ḳhushbū

shādāb phuul aur shādāb ḳhaar hote

magar maiñ

tumhāre ahāte se bāhar kā peḌ thī

ḳhāna-ba-doshoñ kī bastī kā

vo jañgalī peḌ jis par

āvāra parinde chahchahāte haiñ

aur jis kī har Tahnī

apne andar

ek ḳhalā sameTe

āsmān kī vus.atoñ meñ

bhaTak rahī hai

agar tumhaare tin hazar peDon mein se

ek main bhi hoti to

ek sal mein

chhe spray ek khad

aur tumhaari hazaron chahat bhari nazren

mujhe nasib hoti aur tab

dil sogwar na hota

meri har Tahni

tum apne hathon tarashte

main sanwar jati

hawa mujh mein sans bharti

dhup aur baadal

mere dil ki surKH sachchaiyon mein jhilmil karte

aur na jaane kitne surKH phulon se

main farozan rahti

meri zat ki kyari se

tumhaari zat ke ahate tak

tamazat aur KHushbu

shadab phul aur shadab KHar hote

magar main

tumhaare ahate se bahar ka peD thi

KHana-ba-doshon ki basti ka

wo jangali peD jis par

aawara parinde chahchahate hain

aur jis ki har Tahni

apne andar

ek KHala sameTe

aasman ki wusaton mein

bhaTak rahi hai