nazm

tum ne kitāb khol ke dekhī nahīñ abhī

is meñ tumhāre baare meñ ik aur nazm hai

is nazm meñ safed gulāboñ kā zikr hai

āñkhoñ meñ qaid reshmī ḳhvāboñ kā zikr hai

ai dil har ek baar ye ḳhvāboñ kī baat kyuuñ

takiye ke paas band kitāboñ kī baat kyuuñ

har raat āsmāñ pe sitāroñ se baat kar

dariyā ko to na chheḌ kināroñ se baat kar

kartā hai kaun roz sitāroñ se guftugū

hogī nahīñ ḳhizāñ meñ bahāroñ se guftugū

kuchh der us kī yaad meñ ḳhāmosh rah ke dekh

jis ne kitāb khol ke dekhī nahīñ abhī

tum ne kitab khol ke dekhi nahin abhi

is mein tumhaare bare mein ek aur nazm hai

is nazm mein safed gulabon ka zikr hai

aankhon mein qaid reshmi KHwabon ka zikr hai

ai dil har ek bar ye KHwabon ki baat kyun

takiye ke pas band kitabon ki baat kyun

har raat aasman pe sitaron se baat kar

dariya ko to na chheD kinaron se baat kar

karta hai kaun roz sitaron se guftugu

hogi nahin KHizan mein bahaaron se guftugu

kuchh der us ki yaad mein KHamosh rah ke dekh

jis ne kitab khol ke dekhi nahin abhi