nowember se december tak part 1

november jab bhī aatā hai

udāsī saath laatā hai

kisī kāġhaz ke TukḌe pe

agar kuchh likh ke maiñ chhoḌūñ

to vo murjhā hī jaatā hai

darīcha jab bhī khultā hai

nigal jaatā hai ḳhvāboñ ko

sunā.ī phir nahīñ detā

koī naġhma bahāroñ kā

dikhā.ī phir nahīñ paḌtā

koī chehra havāoñ kā

udhar kī reshmī shāmeñ

mujhe āvāz detī haiñ

ki ab tum lauT bhī aao

mujhe ābād hī kar do

chhupā kar merī āñkhoñ se

uḌā kar saath le jaao

koī aisī jagah mujh ko

jahāñ par ab december kī

vo halkī dhuup aatī ho

jahāñ par saikḌoñ afrād

mere ham-navā bhī hoñ

jahāñ par dhuup Dhalte hī

mirī parchhā.ī merā saath na chhoḌe

mujhe ma.alūm hai ye sab

nahīñ mumkin hai jīte-jī

jahāñ dil meñ mire

ḳhvāhish uThātī hai kabhī ab sar

maiñ us ko rok detā huuñ

november jaate jaate phir

kisī kāġhaz ke TukḌe par

maiñ apne naam kā a likh ke yūñhī chhoḌ detā huuñ

nowember jab bhi aata hai

udasi sath lata hai

kisi kaghaz ke TukDe pe

agar kuchh likh ke main chhoDun

to wo murjha hi jata hai

daricha jab bhi khulta hai

nigal jata hai KHwabon ko

sunai phir nahin deta

koi naghma bahaaron ka

dikhai phir nahin paDta

koi chehra hawaon ka

udhar ki reshmi shamen

mujhe aawaz deti hain

ki ab tum lauT bhi aao

mujhe aabaad hi kar do

chhupa kar meri aankhon se

uDa kar sath le jao

koi aisi jagah mujh ko

jahan par ab december ki

wo halki dhup aati ho

jahan par saikDon afrad

mere ham-nawa bhi hon

jahan par dhup Dhalte hi

meri parchhai mera sath na chhoDe

mujhe malum hai ye sab

nahin mumkin hai jite-ji

jahan dil mein mere

KHwahish uThati hai kabhi ab sar

main us ko rok deta hun

nowember jate jate phir

kisi kaghaz ke TukDe par

main apne nam ka a likh ke yunhi chhoD deta hun