nur-jahan ke mazar par

Sahir Ludhianvi

nur-jahan ke mazar par

Sahir Ludhianvi

MORE BYSahir Ludhianvi

    pahlu-e-shāh meñ ye duḳhtar-e-jamhūr qabr

    kitne gum-gashta fasānoñ pata detī hai

    kitne ḳhūñ-rez haqā.eq se uThātī hai naqāb

    kitnī kuchlī huī jānoñ pata detī hai

    kaise maġhrūr shahanshāhoñ taskīñ ke liye

    sāl-hā-sāl hasīnāoñ ke bāzār lage

    kaise bahkī huī nazroñ ke ta.ayyush ke liye

    surḳh mahloñ meñ javāñ jismoñ ke ambār lage

    kaise har shāḳh se muñh-band mahaktī kaliyāñ

    noch jaatī thiiñ taz.īn-e-haram ḳhātir

    aur murjhā ke bhī āzād na ho saktī thiiñ

    zill-e-subhān ulfat ke bharam ḳhātir

    kaise ik fard ke hoñToñ zarā jumbish

    sard kar saktī thī be-laus vafāoñ ke charāġh

    luuT saktī thī damakte hue hāthoñ suhāg

    toḌ saktī thī mai-e-ishq se labrez ayāġh

    sahmī sahmī fazāoñ meñ ye vīrāñ marqad

    itnā ḳhāmosh hai fariyād-kunāñ ho jaise

    sard shāḳhoñ meñ havā chīḳh rahī hai aaise

    rūh-e-taqdīs-o-vafā marsiyāñ-ḳhvāñ ho jaise

    mirī jaan mujhe hairat o hasrat se na dekh

    ham meñ koī bhī jahāñ-nūr o jahāñ-gīr nahīñ

    mujhe chhoḌ ke Thukrā ke bhī saktī hai

    tere hāthoñ meñ mire haath haiñ zanjīr nahīñ

    pahlu-e-shah mein ye duKHtar-e-jamhur ki qabr

    kitne gum-gashta fasanon ka pata deti hai

    kitne KHun-rez haqaeq se uThati hai naqab

    kitni kuchli hui jaanon ka pata deti hai

    kaise maghrur shahanshahon ki taskin ke liye

    sal-ha-sal hasinaon ke bazar lage

    kaise bahki hui nazron ke tayyush ke liye

    surKH mahlon mein jawan jismon ke ambar lage

    kaise har shaKH se munh-band mahakti kaliyan

    noch li jati thin tazin-e-haram ki KHatir

    aur murjha ke bhi aazad na ho sakti thin

    zill-e-subhan ki ulfat ke bharam ki KHatir

    kaise ek fard ke honTon ki zara si jumbish

    sard kar sakti thi be-laus wafaon ke charagh

    luT sakti thi damakte hue hathon ka suhag

    toD sakti thi mai-e-ishq se labrez ayagh

    sahmi sahmi si fazaon mein ye viran marqad

    itna KHamosh hai fariyaad-kunan ho jaise

    sard shaKHon mein hawa chiKH rahi hai aaise

    ruh-e-taqdis-o-wafa marsiyan-KHwan ho jaise

    tu meri jaan mujhe hairat o hasrat se na dekh

    hum mein koi bhi jahan-nur o jahan-gir nahin

    tu mujhe chhoD ke Thukra ke bhi ja sakti hai

    tere hathon mein mere hath hain zanjir nahin

    Source :
    • Book : Kulliyat-e-Sahir (Pg. 113)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now