october ishq ki hawa jaisa hai

habs-zada udāsī ruuh aur badan ko

jakaḌ chukī thī

june ke tapte shab-o-roz meñ

ek shaam havā kā jhoñkā aaya

khiḌkī kholne kī aadat na hone ke bāvajūd

dil chāhā is havā ko ḳhud pe guzārā jaa.e

ab vaqt karvaT le rahā hai

banjar hotī zamīn par

ik sabz rang kā milāp hai

sūraj apnī raushnī kī safedī ko utaar kar

sunahrī pahnāve meñ ubhar rahā hai

ġhāroñ se nikalte siyāh rang kā vajūd

mausam-e-bahārāñ kā raag alāpte

mahv-e-raqs hai

bārah mahīnoñ ke hāshiye mere sāmne haiñ

dasveñ mahīne kī ThanDī havā

aur us kī mohabbat ke iz.hār kī barastī phuvār ek jaisī hai

october ishq kī havā jaisā hai

habs-zada udasi ruh aur badan ko

jakaD chuki thi

june ke tapte shab-o-roz mein

ek sham hawa ka jhonka aaya

khiDki kholne ki aadat na hone ke bawajud

dil chaha is hawa ko KHud pe guzara jae

ab waqt karwaT le raha hai

banjar hoti zamin par

ek sabz rang ka milap hai

suraj apni raushni ki safedi ko utar kar

sunahri pahnawe mein ubhar raha hai

ghaaron se nikalte siyah rang ka wajud

mausam-e-bahaaran ka rag alapte

mahw-e-raqs hai

barah mahinon ke hashiye mere samne hain

daswen mahine ki ThanDi hawa

aur us ki mohabbat ke izhaar ki barasti phuwar ek jaisi hai

october ishq ki hawa jaisa hai