pahchan maKHuz

thūkoñ kī milāvaT se ḳhuun palīd ho saktā hai

Dhoñg ke rachāne se manzar tabdīl ho saktā hai

āñkheñ samundar dekh dekh kar niilī ho saktī haiñ

samundar dekhne vaalī aañkh meñ paanī rahne lagtā hai

shā.iroñ ko dekh-dekh kar shā.erī nahīñ ho saktī

sarqa-band ke dil meñ ḳhauf rahne lagtā hai

samundar kī jhaag par safar karne vaalā jahāz

langar-andāz hone se pahle Dūbne lagtā hai

jhuuT bāñdhne vaalā majāz

but banñe se pahle TūTne lagtā hai

thukon ki milawaT se KHun palid ho sakta hai

Dhong ke rachane se manzar tabdil ho sakta hai

aankhen samundar dekh dekh kar nili ho sakti hain

samundar dekhne wali aankh mein pani rahne lagta hai

shairon ko dekh-dekh kar shaeri nahin ho sakti

sarqa-band ke dil mein KHauf rahne lagta hai

samundar ki jhag par safar karne wala jahaz

langar-andaz hone se pahle Dubne lagta hai

jhuT bandhne wala majaz

but banne se pahle TuTne lagta hai