pas-e-parda

zabāñ hilī ki girā sar pe jhūltā ḳhanjar

muaaf ho na sakegī ḳhatā-e-shoḳh-labī

salāmtī hai isī meñ ki be-adab na bano

baḌe jatan se ye mahfil sajā.ī jaatī hai

ik ek bhed kī qīmat chukā.ī jaatī hai

ridā.eñ sarkeñgī pighlegā chilmanoñ kā jalāl

na-jāne sāmne ā.eñgī kitnī tasvīreñ

sulagtī hairateñ chaTḳheñgī ā.inoñ kī tarah

jo dekhnā use palkoñ meñ dafn kar denā

baḌhe hudūd-e-nazar se na kārvān-e-ḳhayāl

hai jurm-e-bā-ḳhabarī ik azaab se bhī sivā

ye jaan bhī na sakoge kidhar se tiir aaya

bisāt-e-shāḳh pe un ko qarār kyā aa.e

bahār aur hai un kī numū hai aur un kā

ye jism khulte haiñ zarkār bāzuoñ ke liye

chaTak kī guuñj hai rusvā-e-saut-o-rang magar

zabāñ hilī ki girā sar pe jhūltā ḳhanjar

zaban hili ki gira sar pe jhulta KHanjar

muaf ho na sakegi KHata-e-shoKH-labi

salamti hai isi mein ki be-adab na bano

baDe jatan se ye mahfil sajai jati hai

ek ek bhed ki qimat chukai jati hai

ridaen sarkengi pighlega chilmanon ka jalal

na-jaane samne aaengi kitni taswiren

sulagti hairaten chaTKHengi aainon ki tarah

jo dekhna use palkon mein dafn kar dena

baDhe hudud-e-nazar se na karwan-e-KHayal

hai jurm-e-ba-KHabari ek azab se bhi siwa

ye jaan bhi na sakoge kidhar se tir aaya

bisat-e-shaKH pe un ko qarar kya aae

bahaar aur hai un ki numu hai aur un ka

ye jism khulte hain zarkar bazuon ke liye

chaTak ki gunj hai ruswa-e-saut-o-rang magar

zaban hili ki gira sar pe jhulta KHanjar