pasti-e-afkar

majbūr nahīñ fitrat-e-āzād tumhārī

phir kyoñ nahīñ karte ho ġhulāmī kā jigar chaak

qudrat ne tumheñ ashraf-e-maḳhlūq banāyā

kyoñ ḳhaak hai ye pastī-e-afkār se namnāk

jo qaum ho pastī ke ḳhayālāt pe maa.il

us qaum ko hāsil nahīñ phir rif.at-e-aflāk

kyoñ gardish-e-ayyām kī karte ho shikāyat

kyoñ vus.at-e-āfāq meñ hote nahīñ bebāk

insān bhī āzād hai fitrat bhī hai āzād

kyoñ rasm-e-ġhulāmī se fazā saarī hai nāpāk

'sahbā' tujhe us qaum kā ġham hai jise apnī

hālat ke taġhayyur kā na ehsās na idrāk

majbur nahin fitrat-e-azad tumhaari

phir kyon nahin karte ho ghulami ka jigar chaak

qudrat ne tumhein ashraf-e-maKHluq banaya

kyon KHak hai ye pasti-e-afkar se namnak

jo qaum ho pasti ke KHayalat pe mail

us qaum ko hasil nahin phir rifat-e-aflak

kyon gardish-e-ayyam ki karte ho shikayat

kyon wusat-e-afaq mein hote nahin bebak

insan bhi aazad hai fitrat bhi hai aazad

kyon rasm-e-ghulami se faza sari hai napak

'sahba' tujhe us qaum ka gham hai jise apni

haalat ke taghayyur ka na ehsas na idrak