purana makan

hai ik ḳhāsiyat vaqt kī ye lagegā Thahartā huā par Thahartā nahīñ hai

kisī ek jagah par

ki jaise Thahartā nahīñ aadmī bhī kahīñ par

makānoñ meñ shahroñ meñ gaañv meñ jismoñ meñ

bhāgā hī phirtā hai jaane kahāñ par

purānā makāñ dekhte dekhte khanDahar ho chalā hai

kabhī aisā lagtā ki hañsne lagā hai

ye bātoñ pe saarī

nikalte hue jo dilāse diye the

nahīñ duur jaane ke vā'de kiye the

purāne makāñ ke fasīloñ pe tirchhī darāreñ chaḌhīñ jā rahī hai

ke maano ye laḌne lagīñ hai ḳhudī meñ

'ajab hai ki laḌne ko is ghar meñ koī bachā hī nahīñ hai

magar shahr meñ bhī nahīñ hai

jo jaate hue kah chalā thā yahāñ ab hamārā guzārā nahīñ hai

hai ek KHasiyat waqt ki ye lagega Thaharta hua par Thaharta nahin hai

kisi ek jagah par

ki jaise Thaharta nahin aadmi bhi kahin par

makanon mein shahron mein ganw mein jismon mein

bhaga hi phirta hai jaane kahan par

purana makan dekhte dekhte khanDahar ho chala hai

kabhi aisa lagta ki hansne laga hai

ye baaton pe sari

nikalte hue jo dilase diye the

nahin dur jaane ke wa'de kiye the

purane makan ke fasilon pe tirchhi dararen chaDhin ja rahi hai

ke mano ye laDne lagin hai KHudi mein

'ajab hai ki laDne ko is ghar mein koi bacha hi nahin hai

magar shahr mein bhi nahin hai

jo jate hue kah chala tha yahan ab hamara guzara nahin hai