pyasi ruh

pyāsī ruuh ko bolte kis ne sunā hai

television ke parde par jo tasvīreñ sunte ho

vo bhī nazar kā dhokā hai

maiñ to apnī band āñkhoñ ke andar puurā T v station chalte phirte

dekhtī huuñ

phir dekhnā aur kuchh kahnā donoñ bāteñ ek nahīñ haiñ

vaise bhī to ham ko dekhne vaale

apne apne lens se dekh ke

apne ta.iiñ hamāre baare meñ raa.e likh liyā karte haiñ

ham kyā haiñ kyā yahī batlāne logoñ ko ham is duniyā meñ aa.e haiñ

par pyāsī ruuh ko bolte kis ne sunā hai

kis ne dekhā hai

kis ne ghup añdhere kī ḳhushbū ko chakhā hai

pyasi ruh ko bolte kis ne suna hai

telewision ke parde par jo taswiren sunte ho

wo bhi nazar ka dhoka hai

main to apni band aankhon ke andar pura T w station chalte phirte

dekhti hun

phir dekhna aur kuchh kahna donon baaten ek nahin hain

waise bhi to hum ko dekhne wale

apne apne lens se dekh ke

apne tain hamare bare mein rae likh liya karte hain

hum kya hain kya yahi batlane logon ko hum is duniya mein aae hain

par pyasi ruh ko bolte kis ne suna hai

kis ne dekha hai

kis ne ghup andhere ki KHushbu ko chakha hai