qaidi alfaz

dekh ai mire ham-zād

dekh apne bhītar meñ

tere ek zindāñ meñ

kitne hī ye qaidī haiñ

be-shumār lafzoñ ke

zaat meñ jo gūñge the

aah bharī kuchh bātoñ ke

zulm kī taptī chhāyā meñ

laboñ pe aate nāloñ ke

jo kirchī kirchī TuuT ga.e

vo shīshe sab armānoñ ke

vo jism pe tere bojh nahīñ

ye chhāle terī ruuh pe haiñ

maiñ Dartā huuñ

maiñ Dartā huuñ

jo chhāle yak dam phuuT ga.e

āzād hue jo hoñToñ se

dariyā kā ruḳh ye moḌ na deñ

aur ek na.ī tahrīr se ye

unvān kahānī badal na deñ

dekh ai mere ham-zad

dekh apne bhitar mein

tere ek zindan mein

kitne hi ye qaidi hain

be-shumar lafzon ke

zat mein jo gunge the

aah bhari kuchh baaton ke

zulm ki tapti chhaya mein

labon pe aate nalon ke

jo kirchi kirchi TuT gae

wo shishe sab armanon ke

wo jism pe tere bojh nahin

ye chhaale teri ruh pe hain

main Darta hun

main Darta hun

jo chhaale yak dam phuT gae

aazad hue jo honTon se

dariya ka ruKH ye moD na den

aur ek nai tahrir se ye

unwan kahani badal na den