rahi tu chalta ja re

raahī tū chaltā jā re manzil tujhe pukāre

mat dekh muḌ ke pīchhe aage qadam baḌhā re

koshish baġhair qismat kab mehrbāñ hai hotī

sāgar meñ Duub kar hī tujh ko mileñge motī

kuchh bhī na pā sakegā tū baiTh kar kināre

raahī tū chaltā jā re manzil tujhe pukāre

ghabrā na dekh kar tū rātoñ ke ye añdhere

hargiz kisī ke roke rukte nahīñ savere

tanhā samajh na ḳhud ko sāthī haiñ chāñd taare

raahī tū chaltā jā re manzil tujhe pukāre

dil ko na kar tū chhoTā gar āsmāñ ḳhafā hai

himmat se kaam le tū gar vaqt kuchh burā hai

kab tak raheñge āḳhir gardish meñ ye sitāre

raahī tū chaltā jā re manzil tujhe pukāre

hāthoñ kī ye lakīreñ hāthoñ meñ haiñ tumhāre

kyoñ haath haath par dhar maltā hai haath pyāre

tadbīr ke sahāre taqdīr tū banā re

raahī tū chaltā jā re manzil tujhe pukāre

rahi tu chalta ja re manzil tujhe pukare

mat dekh muD ke pichhe aage qadam baDha re

koshish baghair qismat kab mehrban hai hoti

sagar mein Dub kar hi tujh ko milenge moti

kuchh bhi na pa sakega tu baiTh kar kinare

rahi tu chalta ja re manzil tujhe pukare

ghabra na dekh kar tu raaton ke ye andhere

hargiz kisi ke roke rukte nahin sawere

tanha samajh na KHud ko sathi hain chand tare

rahi tu chalta ja re manzil tujhe pukare

dil ko na kar tu chhoTa gar aasman KHafa hai

himmat se kaam le tu gar waqt kuchh bura hai

kab tak rahenge aaKHir gardish mein ye sitare

rahi tu chalta ja re manzil tujhe pukare

hathon ki ye lakiren hathon mein hain tumhaare

kyon hath hath par dhar malta hai hath pyare

tadbir ke sahaare taqdir tu bana re

rahi tu chalta ja re manzil tujhe pukare