raat aur din kaise hote hain

teacher ne ye pūchhā aa kar

raat aur din hote haiñ kyūñkar

apnī seat pe pappū uTThā

aur farrāTe se yuuñ bolā

ye sūraj ik raushan shai hai

nārañgī sī gol zamīñ hai

dhartī apnī kiil pe chakkar

khātī rahtī hai har dam sar

chaubīs ghanToñ meñ ik pherā

kartī hai ye dhartī puurā

chakkar khāne meñ jo hissa

sūraj kī jānib hai rahtā

us hissa meñ din rahtā hai

'nāvak' ne yuuñ hī likkhā hai

is kī ulTī samt añdherā

aadhe hisse meñ hai rahtā

ya.anī raat vahāñ rahtī hai

mujh ko to ma.alūm yahī hai

teacher ne ye puchha aa kar

raat aur din hote hain kyunkar

apni seat pe pappu uTTha

aur farraTe se yun bola

ye suraj ek raushan shai hai

narangi si gol zamin hai

dharti apni kil pe chakkar

khati rahti hai har dam sar

chaubis ghanTon mein ek phera

karti hai ye dharti pura

chakkar khane mein jo hissa

suraj ki jaanib hai rahta

us hissa mein din rahta hai

'nawak' ne yun hi likkha hai

is ki ulTi samt andhera

aadhe hisse mein hai rahta

yani raat wahan rahti hai

mujh ko to malum yahi hai