raat bhar ek sada

tez talvār kī dhaar aisī sadā

qatra qatra mire ḳhuun meñ

pighle se ke mānind girtī rahī

merī rag rag meñ ghul kar bikhartī rahī

aur phire hue tund zarroñ kī sūrat

mire jism meñ dauḌtī jhanjhanātī phirī

sub.h hone ko hai

koī dam meñ ye zaḳhmoñ bharī raat kī garm chādar

ujāle ke sābun meñ dhul kar nikhar aa.egī

har taraf narm-o-nāzuk sī ḳhushiyoñ ke chhīñTe

kivāḌoñ ko chheḌeñge sulā.eñge

phuul khil jā.eñge

qahqahoñ chahchahoñ kī jvālā

syāhī ke dhabboñ ko khā jā.egī

sochtā huuñ

ye ik tez sī dhaar aisī chamaktī sadā

jis kī kircheñ mirī ek ik rag meñ

panjoñ ko gaaḌe khaḌī haiñ

kahāñ jā.egī

itnī sadiyoñ ke ban-bās ko jhel kar

apne ghar aa.ī naarī se ab kis tarah maiñ kahūñ

jaao

ye ghar to ḳhushiyoñ kī raanī kā ghar hai

tez talwar ki dhaar aisi sada

qatra qatra mere KHun mein

pighle se ke manind girti rahi

meri rag rag mein ghul kar bikharti rahi

aur phire hue tund zarron ki surat

mere jism mein dauDti jhanjhanati phiri

subh hone ko hai

koi dam mein ye zaKHmon bhari raat ki garm chadar

ujale ke sabun mein dhul kar nikhar aaegi

har taraf narm-o-nazuk si KHushiyon ke chhinTe

kiwaDon ko chheDenge sulaenge

phul khil jaenge

qahqahon chahchahon ki jwala

syahi ke dhabbon ko kha jaegi

sochta hun

ye ek tez si dhaar aisi chamakti sada

jis ki kirchen meri ek ek rag mein

panjon ko gaDe khaDi hain

kahan jaegi

itni sadiyon ke ban-bas ko jhel kar

apne ghar aai nari se ab kis tarah main kahun

jao

ye ghar to KHushiyon ki rani ka ghar hai