raat ki shahzadi

shaam hī se svayamvar kī mahfil hai ārāsta

jaane kitne sajīle javāñ

ḳhīra-sar ārzūoñ ko mahmez karte chale aa.e haiñ

un ko ma.alūm

sab ke baa'd ek bāñkā jo bijlī ke rath par savār aa.egā

shāhzādī se in.ām-e-jāñ-dādgī pā.egā

us kī gardan meñ lachkegī jai-mālā kī kahkashāñ

aur ye rath meñ bijlī ke pahuñchegī jaane kahāñ se kahāñ

gard uḌtī chalī jā.egī duur tak

aur ik pal meñ sunsān ho jā.egī rahguzar

TuuT jā.egā maike se naatā sadā ke liye

lauT kar phir na aa.egī bābul ke ghar

chuum lo aur ik baar is kī jabīñ

is se ho lo judā

haath shafqat kā sar par dharo

apnī palkoñ ke motī nichhāvar karo

ghar se jaane do is ko dul.han kī tarah

saal kī āḳhirī raat hai

phir na aa.egī ye

sham hi se swayamwar ki mahfil hai aarasta

jaane kitne sajile jawan

KHira-sar aarzuon ko mahmez karte chale aae hain

un ko malum

sab ke ba'd ek banka jo bijli ke rath par sawar aaega

shahzadi se inam-e-jaan-dadgi paega

us ki gardan mein lachkegi jai-mala ki kahkashan

aur ye rath mein bijli ke pahunchegi jaane kahan se kahan

gard uDti chali jaegi dur tak

aur ek pal mein sunsan ho jaegi rahguzar

TuT jaega maike se nata sada ke liye

lauT kar phir na aaegi babul ke ghar

chum lo aur ek bar is ki jabin

is se ho lo juda

hath shafqat ka sar par dharo

apni palkon ke moti nichhawar karo

ghar se jaane do is ko dulhan ki tarah

sal ki aaKHiri raat hai

phir na aaegi ye