rabab-e-gham

mirā to ye gumān hai

giyān par lagān hai

ghaTā ghaTā sī raushnī

ġhubār-e-jān se aTī

fasurda kā.enāt ke

ubharte regzār par

gir paḌā hai aadmī

aur us ke sāmne mire

savāl kā javāb ik kaTī huī zabān hai

navishtgān soch ke

gumān se kahīñ pare

hai chāñd ek zau-fishāñ

suno zarā rabāb-e-ġham

koī kahīñ hai gā rahā

ḳhudā-e-āsmān kī hai an-kahī sunā rahā

vo kah rahā hai shād-bād aadmī koī nahīñ

ye zindagī samajhte ho jise ye zindagī nahīñ

jahān bhar kī raunaqeñ

suno to sab haiñ vahshateñ

haiñ vahshatoñ ke phal sabhī

tū aur maiñ to kuchh nahīñ

ye jhuuT kā ġhilāf hai

jo hai hamārī shaan hech

agar tumheñ gumān ho

to kaun bad-gumān ho

ḳhayāl aur gumān hech

giyān par lagān hech

mera to ye guman hai

giyan par lagan hai

ghaTa ghaTa si raushni

ghubar-e-jaan se aTi

fasurda kaenat ke

ubharte regzar par

gir paDa hai aadmi

aur us ke samne mere

sawal ka jawab ek kaTi hui zaban hai

nawishtgan soch ke

guman se kahin pare

hai chand ek zau-fishan

suno zara rabab-e-gham

koi kahin hai ga raha

KHuda-e-asman ki hai an-kahi suna raha

wo kah raha hai shad-baad aadmi koi nahin

ye zindagi samajhte ho jise ye zindagi nahin

jahan bhar ki raunaqen

suno to sab hain wahshaten

hain wahshaton ke phal sabhi

tu aur main to kuchh nahin

ye jhuT ka ghilaf hai

jo hai hamari shan hech

agar tumhein guman ho

to kaun bad-guman ho

KHayal aur guman hech

giyan par lagan hech