rangin jild

tum merī mazbūt sī dīvār ho

mere kamzor paloñ kī jild sī

tabhī har mausam se be-ḳhauf bachāyā hai use

jild saḳht aur vahī rañgīn sī rahe

pichhle baras yaad hai

kitnī umas thī

ham galne se lage the āñsuoñ se yā badle

mausam se

shāyad donoñ se

jāntī huuñ jild kī fitrat

kasī bañdhī puḳhta kone ruñdne ke ba.ad

bhī mazbūt sī

lekin ab safhe galne lage

be-vaqt mausam se

sambhāl sako to muḌā.ī kar lo phir se

aksar purānī jild na.e safhoñ meñ be-ma.ānī be-raunaq sī ma.alūm hotī hai

safhe lugdī se gal jaa.e kahīñ

tum meri mazbut si diwar ho

mere kamzor palon ki jild si

tabhi har mausam se be-KHauf bachaya hai use

jild saKHt aur wahi rangin si rahe

pichhle baras yaad hai

kitni umas thi

hum galne se lage the aansuon se ya badle

mausam se

shayad donon se

jaanti hun jild ki fitrat

kasi bandhi puKHta kone rundne ke baad

bhi mazbut si

lekin ab safhe galne lage

be-waqt mausam se

sambhaal sako to muDai kar lo phir se

aksar purani jild nae safhon mein be-maani be-raunaq si malum hoti hai

safhe lugdi se gal jae kahin