raushni ka manara

yak-o-tanhā

havādis kī havā.eñ sarsarātī haiñ

koī fānūs

āñdhī aa.ī

sham.eñ bujhtī jaatī haiñ

havādis kī havā se sham.a bachtī hai na parvāne

to phir ye ek mash.al kaise raushan hai

ḳhudā jaane

sahar-dam sāmne rahtī hai

vaqt-e-shām jaltī hai

kaleja kholtā hai

raushnī us se nikaltī hai

ubalte dil kī garmī gaah aa jaatī hai hoñToñ par

badan jis se jhulas jaate haiñ

dariyāoñ ke sāhil par

shafaq ke rang baḌh jaate haiñ

kitne shoḳh hote haiñ

fazā meñ zarre Takrāte haiñ

taare TuuT jaate haiñ

ḳhalāoñ meñ farishte dauḌne lagte haiñ

paiġhambar manāzir ke

shagūfe phūTte haiñ

de ke apnā sar

garajte megh ke hāthī haiñ

ran meñ

hun barastā hai

barahna jism

jo taptā thā

yuuñ sairāb hotā hai

uTho ai āñdhiyo

kaalī ghaTā.eñ saath meñ laao

fazā muddat se gard-ālūd hai

kuchh meñh barsāo

zamāna ke samundar meñ

bahut sī sīpiyāñ

muñh khole taktī haiñ

hamārī nāznīnoñ ke gale

ghuTne lage masnūī hāroñ se

ghire haiñ aaj bhī ghanghor bādal

āñdhiyāñ bhī aatī jaatī haiñ

garaj hai

ghan hai

Dar hai

jhuuT hai

sach sahmā jaatā hai

magar hai raushnī phir bhī

agar kam-kam hai

paiham hai

hamārī bastiyoñ meñ jo nahīñ hai

apnā dam-ḳham hai

batāo ham

manāre kyoñ nahīñ bante

yak-o-tanha

hawadis ki hawaen sarsaraati hain

koi fanus

aandhi aai

shamen bujhti jati hain

hawadis ki hawa se shama bachti hai na parwane

to phir ye ek mashal kaise raushan hai

KHuda jaane

sahar-dam samne rahti hai

waqt-e-sham jalti hai

kaleja kholta hai

raushni us se nikalti hai

ubalte dil ki garmi gah aa jati hai honTon par

badan jis se jhulas jate hain

dariyaon ke sahil par

shafaq ke rang baDh jate hain

kitne shoKH hote hain

faza mein zarre Takraate hain

tare TuT jate hain

KHalaon mein farishte dauDne lagte hain

paighambar manazir ke

shagufe phuTte hain

de ke apna sar

garajte megh ke hathi hain

ran mein

hun barasta hai

barahna jism

jo tapta tha

yun sairab hota hai

uTho ai aandhiyo

kali ghaTaen sath mein lao

faza muddat se gard-alud hai

kuchh meinh barsao

zamana ke samundar mein

bahut si sipiyan

munh khole takti hain

hamari nazninon ke gale

ghuTne lage masnui haaron se

ghire hain aaj bhi ghanghor baadal

aandhiyan bhi aati jati hain

garaj hai

ghan hai

Dar hai

jhuT hai

sach sahma jata hai

magar hai raushni phir bhi

agar kam-kam hai

paiham hai

hamari bastiyon mein jo nahin hai

apna dam-KHam hai

batao hum

manare kyon nahin bante