restaurant mein

ham ik chaa.e kī mez pe aa kar

ishq kā qissa le baiThe the

har ḳhātūn baḌī komal thī

mard nihāyat dil vaale the

mo'tabarān-e-shahr meñ ik ne

us ko flātūnī Thahrāyā

un kī sharīk-e-hayāt ne us par

tanz se ''jī-achchhā!'' farmāyā

pādriyoñ meñ ik ye bole

ishq gharelū ho na to is se

nazm-e-shikam barham hotā hai

ik laḌkī ne pūchhā ''kaise?''

ik ḳhātūn ne ye farmāyā

ishq meñ hai talvār kī tezī

aur is daurān meñ uTh kar

chaa.e kī pyālī shauhar ko dī

ek gosha bilkul ḳhālī thā

tum bhī jo ātīñ ham mil rahte

ishq kā matlab sab pā jaate

go ham muñh se kuchh bhī na kahte

hum ek chae ki mez pe aa kar

ishq ka qissa le baiThe the

har KHatun baDi komal thi

mard nihayat dil wale the

mo'tabaran-e-shahr mein ek ne

us ko flatuni Thahraya

un ki sharik-e-hayat ne us par

tanz se ji-achchha! farmaya

padriyon mein ek ye bole

ishq gharelu ho na to is se

nazm-e-shikam barham hota hai

ek laDki ne puchha kaise?

ek KHatun ne ye farmaya

ishq mein hai talwar ki tezi

aur is dauran mein uTh kar

chae ki pyali shauhar ko di

ek gosha bilkul KHali tha

tum bhi jo aatin hum mil rahte

ishq ka matlab sab pa jate

go hum munh se kuchh bhi na kahte