rishte

maiñ kyā jānūñ kaun hai sūraj kis nagrī kā baasī hai

kaisā sar-chashma hai jis se jīvan dhārā bahtī hai

maiñ kyā jānūñ kaun hai bādal kyuuñ āvāra phirtā hai

kitne peḌ hare hote haiñ kitnī kaliyāñ murjhātī haiñ

ek nigāh-e-lutf se us kii, us ke ek taġhāful se

maiñ kyā jānūñ shab ke gahre sannāToñ meñ

kitne taare TuuT ga.e haiñ

kitnī palkeñ bhiig chukī haiñ kitne aañsū ḳhushk hue haiñ

sadiyoñ ke malbe ko haTā kar dekho

kitnī rūheñ apne apne panjar DhūñD rahī haiñ

maiñ kyā jānūñ kyā hai duniyā

insānoñ kī bastī hai yā ek sarā-e-fānī hai

maiñ to abhī bistar se uThā huuñ aur mirī āñkhoñ meñ ab tak

ḳhvāb kā saarā manzar hai

merā potā chāñd meñ baiThā apne beTe se kahtā hai

''dekho vo dhartī hai us meñ dādā-abbā rahte the''

main kya jaanun kaun hai suraj kis nagri ka basi hai

kaisa sar-chashma hai jis se jiwan dhaara bahti hai

main kya jaanun kaun hai baadal kyun aawara phirta hai

kitne peD hare hote hain kitni kaliyan murjhati hain

ek nigah-e-lutf se us ki, us ke ek taghaful se

main kya jaanun shab ke gahre sannaTon mein

kitne tare TuT gae hain

kitni palken bhig chuki hain kitne aansu KHushk hue hain

sadiyon ke malbe ko haTa kar dekho

kitni ruhen apne apne panjar DhunD rahi hain

main kya jaanun kya hai duniya

insanon ki basti hai ya ek sara-e-fani hai

main to abhi bistar se uTha hun aur meri aankhon mein ab tak

KHwab ka sara manzar hai

mera pota chand mein baiTha apne beTe se kahta hai

dekho wo dharti hai us mein dada-abba rahte the