sahir-ludhiyanwi ke liye

sahar thā jis kī bātoñ meñ

naḳhl-e-samar thā

jis ke hāthoñ meñ

jādū-bayāñ aisā

jo bāñjh zamīnoñ se fasleñ ugā gayā

vajūd kī be-ma.anī kitāboñ meñ

hameñ dars-e-ibrat de gayā

maut aur ziist ke darmiyāñ

kitne fāsle masdūd kar gayā

tajrabāt kā bas apne pyāloñ meñ ghol kar

shāḳhoñ meñ aañsū khilā gayā

le aayā vo sauġhāt

jo zaḳhm-e-dil kā mudāvā bhī banī

qudrat ne us ko baḳhshī

dayār-e-shauq kī rahbarī

har lamha jis ne kī apnī zaat kī nigahbānī

taraqqī-pasandoñ meñ 'sāhir'

ek nirālā shā.ir thā

sahar tha jis ki baaton mein

naKHl-e-samar tha

jis ke hathon mein

jadu-bayan aisa

jo banjh zaminon se faslen uga gaya

wajud ki be-mani kitabon mein

hamein dars-e-ibrat de gaya

maut aur zist ke darmiyan

kitne fasle masdud kar gaya

tajrabaat ka bas apne pyalon mein ghol kar

shaKHon mein aansu khila gaya

le aaya wo saughat

jo zaKHm-e-dil ka mudawa bhi bani

qudrat ne us ko baKHshi

dayar-e-shauq ki rahbari

har lamha jis ne ki apni zat ki nigahbani

taraqqi-pasandon mein 'sahir'

ek nirala shair tha