samay hi kuchh aisa tha

safed bāloñ

aur hiire kī kanī jaisī āñkhoñ vāloñ ke dil

sone kī Dalī se tarāshe jaate haiñ

vo nahīñ bolte

magar chaar atrāf

chāñdī jaise ujle lafz

muskurāne lagte haiñ

vo safed bādaloñ meñ

shaffāfiyat kā rañg bhar dete haiñ

āsmān kī nīlāhaT

bhar lete haiñ āñkhoñ meñ

jazb kar lete haiñ saat rañg

zindagī ke tajrbe kī aañch

un ke chehre par dhuāñ nahīñ bikhertī

vo apnā ujlā ruup hathelī par liye phirte haiñ

uchhāl dete haiñ sūraj kī taraf

dūdhiyā kirnoñ kā thaal

raat ke añdhere meñ

māhtāb chunñe nikaltā hai

un kā rūpahlā ruup

unheñ dekhte hī

jañgal ke daraḳhtoñ se

chhantī huī raushnī

raqs karne lagtī hai

magar merī āñkheñ

TaToltī rahtī haiñ añdherā

maiñ ne ek safed bāloñ vaale ko

ojhal hote dekh liyā thā

safed baalon

aur hire ki kani jaisi aankhon walon ke dil

sone ki Dali se tarashe jate hain

wo nahin bolte

magar chaar atraf

chandi jaise ujle lafz

muskurane lagte hain

wo safed baadalon mein

shaffafiyat ka rang bhar dete hain

aasman ki nilahaT

bhar lete hain aankhon mein

jazb kar lete hain sat rang

zindagi ke tajrbe ki aanch

un ke chehre par dhuan nahin bikherti

wo apna ujla rup hatheli par liye phirte hain

uchhaal dete hain suraj ki taraf

dudhiya kirnon ka thaal

raat ke andhere mein

mahtab chunne nikalta hai

un ka rupahla rup

unhen dekhte hi

jangal ke daraKHton se

chhanti hui raushni

raqs karne lagti hai

magar meri aankhen

TaTolti rahti hain andhera

main ne ek safed baalon wale ko

ojhal hote dekh liya tha