samt ka sahra

kaisā lagtā hai ab

jab ho ga.e haiñ

ek jaise

chāroñ or chhor

sārbānoñ ke kahīñ

baiThte uThte muḌte TūTte

sar haiñ

na ūñToñ ke gale kī ghanTiyoñ kī

dūriyoñ ke dariyāoñ meñ

dhīre dhīre

Dūbtī

gūñjeñ

na kahīñ

ḳhachcharoñ pe baiThīñ

ḳhvāb buntīñ

ḳhāna-ba-dosh doshīzā.eñ

jin ke birhe sunñe

Thahar jaatā thā

sāvan

tumhāre sahn meñ bhī

shauq kī takmīl karne

shutar par

shab hī kī shab meñ

dariyā.ī sahrā.ī safar kar lauTne vaale

dilāvar

bhī nahīñ

kuchh bhī nahīñ

pasartī samtoñ meñ

ghūrtī tanhā.iyoñ ko

zard āñkheñ tumhārī

pal pal

phailtī jaatī

ek piilī saa.eñ saa.eñ

kaisa lagta hai ab

jab ho gae hain

ek jaise

chaaron or chhor

sarbanon ke kahin

baiThte uThte muDte TuTte

sar hain

na unTon ke gale ki ghanTiyon ki

duriyon ke dariyaon mein

dhire dhire

Dubti

gunjen

na kahin

KHachcharon pe baiThin

KHwab buntin

KHana-ba-dosh doshizaen

jin ke birhe sunne

Thahar jata tha

sawan

tumhaare sahn mein bhi

shauq ki takmil karne

shutar par

shab hi ki shab mein

dariyai sahrai safar kar lauTne wale

dilawar

bhi nahin

kuchh bhi nahin

pasarti samton mein

ghurti tanhaiyon ko

zard aankhen tumhaari

pal pal

phailti jati

ek pili saen saen