samundaron ke musafiro

use jis ne tumheñ bulā liyā hai samundaroñ ke musāfiro

use jā ke merā salām kahnā musāfiro

jo safar kī saarī sa.ūbatoñ se girāñ-bahā

jab tumhāre aur mire safīne kā nāḳhudā

do-jahāñ ke hama-zī-hayāt ye din ye raat bhī jis ke gird ruke hue haiñ

jahāñ zamīñ pe jhuke hue haiñ

kulāh tairte bādaloñ ke jo nuur hai hama-nūr hai

jahāñ sar jhukā ke vo jism chalte haiñ jin ko aag kī hiddatoñ ne janam diyā

jinheñ dekh saktā nahīñ koī

vo jo bhed haiñ

vahāñ vo milegā tumheñ zarūr har ik se miltā hai

duur duur se aate haiñ dekhne use dekhne

vo har ik ko detā hai zindagī

vo utaar letā hai bojh guzre hue diloñ kā

vo aane vaalī rutoñ ke chehre nikhār detā hai

lauT aate haiñ log jo use dekh kar unheñ log aate haiñ dekhne

use jā kar merā salām kahnā musāfiro

tumheñ pāniyoñ kī ravāniyoñ kā sukūñ mile

use jis ne tumhein bula liya hai samundaron ke musafiro

use ja ke mera salam kahna musafiro

jo safar ki sari saubaton se giran-baha

jab tumhaare aur mere safine ka naKHuda

do-jahan ke hama-zi-hayat ye din ye raat bhi jis ke gird ruke hue hain

jahan zamin pe jhuke hue hain

kulah tairte baadalon ke jo nur hai hama-nur hai

jahan sar jhuka ke wo jism chalte hain jin ko aag ki hiddaton ne janam diya

jinhen dekh sakta nahin koi

wo jo bhed hain

wahan wo milega tumhein zarur har ek se milta hai

dur dur se aate hain dekhne use dekhne

wo har ek ko deta hai zindagi

wo utar leta hai bojh guzre hue dilon ka

wo aane wali ruton ke chehre nikhaar deta hai

lauT aate hain log jo use dekh kar unhen log aate hain dekhne

use ja kar mera salam kahna musafiro

tumhein paniyon ki rawaniyon ka sukun mile