sar-e-asman sar-e-zamin

ma.alūm nahīñ kyā huā ki jins mohabbat pe haavī ho ga.ī

goyā mohabbat haar ga.ī aur jins jiit ga.ī

jo haath haath meñ paivast ho sakte the

vo haath kahāñ haiñ

jo haath ko thāme kuchh duur chal sakte the

kyā un hāthoñ ko toḌ diyā gayā

vo haath kahāñ ga.e jo nazm likhte the

vo haath kahāñ ga.e jo āsmān ko zamīn par utaar sakte the

kaun kab kahāñ

pheñkā gayā

aur ab to jugnuoñ se bhare jañgal meñ maañ akelī hai

ek jugnū bhī nahīñ jo raushnī ko hisār kare

aur maañ ko us ke jilau meñ le aa.e

ab itnā samay nahīñ ki

āsmāñ yā zamīñ use bosa deñ

malum nahin kya hua ki jins mohabbat pe hawi ho gai

goya mohabbat haar gai aur jins jit gai

jo hath hath mein paiwast ho sakte the

wo hath kahan hain

jo hath ko thame kuchh dur chal sakte the

kya un hathon ko toD diya gaya

wo hath kahan gae jo nazm likhte the

wo hath kahan gae jo aasman ko zamin par utar sakte the

kaun kab kahan

phenka gaya

aur ab to jugnuon se bhare jangal mein man akeli hai

ek jugnu bhi nahin jo raushni ko hisar kare

aur man ko us ke jilau mein le aae

ab itna samay nahin ki

aasman ya zamin use bosa den