sarsayyad ahmad KHan

qaum sarsayyad kā ye ehsāñ bhulā saktī nahīñ

yaad un kī gardish-e-daurāñ miTā saktī nahīñ

qaum kī islāh-o-ḳhidmat meñ hazāroñ dukh sahe

āñdhiy.oñ kī zad pe tum karte rahe raushan diye

aap ne daur-e-jahālat se nikālā qaum ko

ilm aur tahzīb ke sāñche meñ Dhālā qaum ko

ḳhūn-e-dil se aap ne sīñchā hamārā ye chaman

jis meñ khulte aaj bhī haiñ ġhuncha-hā-e-ilm-o-fan

dars-gāh-e-ilm-o-dānish hai ye un kī yādgār

jo hamāre vāste hai bā.is-e-sad-iftiḳhār

aap kā raushan rahegā tā-abad duniyā meñ naam

qaum ke sab naunihāloñ ko hai sayyad kā payām

tum ko mere ḳhvāb kī ta.abīr honā chāhiye

ahl-e-ilm-o-sāhab-e-tadbīr honā chāhiye

qaum sarsayyad ka ye ehsan bhula sakti nahin

yaad un ki gardish-e-dauran miTa sakti nahin

qaum ki islah-o-KHidmat mein hazaron dukh sahe

aandhiyon ki zad pe tum karte rahe raushan diye

aap ne daur-e-jahaalat se nikala qaum ko

ilm aur tahzib ke sanche mein Dhaala qaum ko

KHun-e-dil se aap ne sincha hamara ye chaman

jis mein khulte aaj bhi hain ghuncha-ha-e-ilm-o-fan

dars-gah-e-ilm-o-danish hai ye un ki yaadgar

jo hamare waste hai bais-e-sad-iftiKHar

aap ka raushan rahega ta-abad duniya mein nam

qaum ke sab naunihaalon ko hai sayyad ka payam

tum ko mere KHwab ki tabir hona chahiye

ahl-e-ilm-o-sahab-e-tadbir hona chahiye