sati
log har sub.h
mujhe batāte haiñ
maiñ beva ho chukī huuñ
aur maiñ har shaam
dhaan ke khet jaisī
vo saaḌī oḌh letī huuñ
jis se ubharte mere
sunahrī bāzuoñ ko
vo gandum kī bāliyāñ kahtā thā
tab
mohabbat ḳhushbū ban kar
dālān aur kamroñ meñ phail jaatī hai
aur piano ko an-dekhī
mut.harrik ungliyāñ gudgudātī haiñ
aur maiñ ātish-dān ke paas
baiTh kar kahānī kā sweater buntī huuñ
mash.aloñ kī lau lambī hotī jaatī hai
aur tavīl saa.e dīvāroñ par raqsāñ rahte haiñ
havā mahīn pardoñ ko
bāzuoñ meñ le kar
aThkheliyāñ kartī hai
chāñd sahme bachche kī tarah
darīchoñ aur darzoñ se jhāñktā hai
sub.h-dam
jab sitāre raushnī ke samundar meñ
ḳhud-kushī kar lete haiñ
to
vo tasvīr meñ vāpas chalā jaatā hai
aur maiñ
phir se satī ho jaatī huuñ
log har subh
mujhe batate hain
main bewa ho chuki hun
aur main har sham
dhan ke khet jaisi
wo saDi oDh leti hun
jis se ubharte mere
sunahri bazuon ko
wo gandum ki baaliyan kahta tha
tab
mohabbat KHushbu ban kar
dalan aur kamron mein phail jati hai
aur piano ko an-dekhi
mutharrik ungliyan gudgudati hain
aur main aatish-dan ke pas
baiTh kar kahani ka sweater bunti hun
mashalon ki lau lambi hoti jati hai
aur tawil sae diwaron par raqsan rahte hain
hawa mahin pardon ko
bazuon mein le kar
aThkheliyan karti hai
chand sahme bachche ki tarah
darichon aur darzon se jhankta hai
subh-dam
jab sitare raushni ke samundar mein
KHud-kushi kar lete hain
to
wo taswir mein wapas chala jata hai
aur main
phir se sati ho jati hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.