shaeri ka kaam mauquf hua

mohabbat kī ek kahānī meñ

nyūkliyā.ī bam ījād huā

kaan samā.at aur āñkheñ basārat se mahrūm ho ga.iiñ

maiñ ne kāġhaz se dollar banāyā

aur dil ḳharīd liyā

gandum samundar meñ bahā dī

aur bhuuk khāne lagā

dil se dard aur aañkh se aañsū ruḳhsat ho ga.e

'bāqar' sāhib mar ga.e

mohammad ḳhālid vice principal ho ga.e

āftāb husain ne adabī aḳhbār jaarī kar liyā

aur maiñ shahr sultān jā baiThā

shā.erī kā kaam mauqūf huā

din hāthoñ se nikalte jā rahe haiñ

mujhe jauharī bam kahīñ chhupā denā chāhiye

aisā na ho ki 'sirāj' khelne ke liye le jaa.e

dollar ke kāġhaz par

mohabbat kā qā.eda chhāp denā chāhiye

taaki hamāre bachche

hiroshima aur nagasaki

sair ke liye jā sakeñ

mohabbat ki ek kahani mein

nyukliyai bam ijad hua

kan samaat aur aankhen basarat se mahrum ho gain

main ne kaghaz se dollar banaya

aur dil KHarid liya

gandum samundar mein baha di

aur bhuk khane laga

dil se dard aur aankh se aansu ruKHsat ho gae

'baqar' sahib mar gae

mohammad KHalid wice principal ho gae

aaftab husain ne adabi aKHbar jari kar liya

aur main shahr sultan ja baiTha

shaeri ka kaam mauquf hua

din hathon se nikalte ja rahe hain

mujhe jauhari bam kahin chhupa dena chahiye

aisa na ho ki 'siraj' khelne ke liye le jae

dollar ke kaghaz par

mohabbat ka qaeda chhap dena chahiye

taki hamare bachche

hiroshima aur nagasaki

sair ke liye ja saken