sham samay

maiñ ne jab se apne kamre kī

bistar ke sāmne vaalī dīvār par Tañgī ghaḌī utārī hai

tab se us dīvār par āñkheñ ugnā shurūa ho ga.ī haiñ

ghaḌī ke andar

gol gol ghūmtā vaqt chakrā kar Thahar gayā thā

ab dīvār par ugī un tamām āñkhoñ meñ

ghaḌiyāñ banī huī haiñ

aur har ghaḌī muḳhtalif vaqt par rukī huī hai

lekin āñkhoñ kī bel ke saa.e meñ paḌā

dressing Table kā ā.īna batātā hai

ki vaqt chal rahā hai

tez-raftārī se

itnī tez-raftārī se

ki aksar haañp jaatā hai

main ne jab se apne kamre ki

bistar ke samne wali diwar par Tangi ghaDi utari hai

tab se us diwar par aankhen ugna shurua ho gai hain

ghaDi ke andar

gol gol ghumta waqt chakra kar Thahar gaya tha

ab diwar par ugi un tamam aankhon mein

ghaDiyan bani hui hain

aur har ghaDi muKHtalif waqt par ruki hui hai

lekin aankhon ki bel ke sae mein paDa

dressing Table ka aaina batata hai

ki waqt chal raha hai

tez-raftari se

itni tez-raftari se

ki aksar hanp jata hai