shab-e-intizar

zahmat-kash-e-hijrāñ kā dil aur dukhāte haiñ

ye kah ke mujhe log ab dīvāna banāte haiñ

vo aate haiñ aate haiñ vo aate haiñ aate haiñ

lekin vo kahāñ aa.e aate haiñ na ā.eñge

chhiTke hue taare bhī ab Dūbte jaate haiñ

vo raat bhayānak aur zulfoñ kī tarah kaalī

hotī hī rahī jis meñ jazbāt kī pāmālī

tā āñ-ki huī zāhir mashriq kī taraf laalī

lekin vo kahāñ aa.e aate haiñ na ā.eñge

chhiTke hue taare bhī ab Dūbte jaate haiñ

jalte hue dīpak bhī ḳhāmosh hue āḳhir

uḌte hue jugnū bhī rū-posh hue āḳhir

parvāne ajal se ham-āġhosh hue āḳhir

lekin vo kahāñ aa.e aate haiñ na ā.eñge

chhiTke hue taare bhī ab Dūbte jaate haiñ

chahke vo parinde vo murġhān-e-sahar bole

uḌne ke liye ab vo tayyār haiñ par tole

ham baiThe ke baiThe haiñ ġham-ḳhāne kā dar khole

lekin vo kahāñ aa.e aate haiñ na ā.eñge

chhiTke hue taare bhī ab Dūbte jaate haiñ

masjid ke mināroñ se vo bāñg-e-azāñ aa.ī

darbār-e-ilāhī meñ ab hogī jabīñ-sā.ī

jo raat thī parbat sī vo ghaT ke banī raa.ī

lekin vo kahāñ aa.e aate haiñ na ā.eñge

chhiTke hue taare bhī ab Dūbte jaate haiñ

betābī-e-dil merī aur vo shab-e-tanhā.ī

pattā jo kabhī khaḌkā aahaT jo kabhī aa.ī

'najmī' yahī samjhā maiñ taqdīr unheñ laa.ī

lekin vo kahāñ aa.e aate haiñ na ā.eñge

chhiTke hue taare bhī ab Dūbte jaate haiñ

zahmat-kash-e-hijran ka dil aur dukhate hain

ye kah ke mujhe log ab diwana banate hain

wo aate hain aate hain wo aate hain aate hain

lekin wo kahan aae aate hain na aaenge

chhiTke hue tare bhi ab Dubte jate hain

wo raat bhayanak aur zulfon ki tarah kali

hoti hi rahi jis mein jazbaat ki pamali

ta aan-ki hui zahir mashriq ki taraf lali

lekin wo kahan aae aate hain na aaenge

chhiTke hue tare bhi ab Dubte jate hain

jalte hue dipak bhi KHamosh hue aaKHir

uDte hue jugnu bhi ru-posh hue aaKHir

parwane ajal se ham-aghosh hue aaKHir

lekin wo kahan aae aate hain na aaenge

chhiTke hue tare bhi ab Dubte jate hain

chahke wo parinde wo murghan-e-sahar bole

uDne ke liye ab wo tayyar hain par tole

hum baiThe ke baiThe hain gham-KHane ka dar khole

lekin wo kahan aae aate hain na aaenge

chhiTke hue tare bhi ab Dubte jate hain

masjid ke minaron se wo bang-e-azan aai

darbar-e-ilahi mein ab hogi jabin-sai

jo raat thi parbat si wo ghaT ke bani rai

lekin wo kahan aae aate hain na aaenge

chhiTke hue tare bhi ab Dubte jate hain

betabi-e-dil meri aur wo shab-e-tanhai

patta jo kabhi khaDka aahaT jo kabhi aai

'najmi' yahi samjha main taqdir unhen lai

lekin wo kahan aae aate hain na aaenge

chhiTke hue tare bhi ab Dubte jate hain