shahr-e-KHamoshan ko dekh kar

nahīñ ye Dher miTTī ke sabaq-āmoz-e-ibrat haiñ

karūñ ai ham-nashīñ kyūñkar na in se istifāda maiñ

nishān-e-raftgāñ maiñ ne har ik manzil meñ paayā hai

isī ibrat-kade ne kyā ḳhayāl un kā jamāyā hai

qayās apnā kiyā un par jo maiñ ne ai sharīf insāñ

nazar aayā mujhe un meñ koī ḳhandāñ koī giryāñ

yahāñ mazlūm hī rahte nahīñ haiñ balki zālim bhī

nazar pahlū-ba-pahlū aate haiñ mahkūm-o-hākim bhī

na dekhā tum ne shāyad un ko ab tak chashm-e-ibrat se

ḳhudā-rā lo sabaq kuchh bhī to in alvāh-e-turbat se

humāyūñ hai yahāñ āsūda vo qabr-e-halākū hai

sunā hai ye koī murshid hai aur vo ek Daaku hai

vo shah-zor aaj bekas haiñ jo kamzoroñ se laḌte the

ḳhudā jaane ki ahl-e-hilm se kyūñkar bigaḌte the

karo yaad un buzurgoñ ko sharāfat jin pe hai nāzāñ

na bhūlo un ko bhī jo the sipah-sālār-e-sharbāzāñ

nigāhoñ meñ unheñ rakkho ubharnā hai agar tum ko

ḳhayāloñ meñ unheñ parkho sañvarnā hai agar tum ko

nahin ye Dher miTTi ke sabaq-amoz-e-ibrat hain

karun ai ham-nashin kyunkar na in se istifada main

nishan-e-raftgan main ne har ek manzil mein paya hai

isi ibrat-kade ne kya KHayal un ka jamaya hai

qayas apna kiya un par jo main ne ai sharif insan

nazar aaya mujhe un mein koi KHandan koi giryan

yahan mazlum hi rahte nahin hain balki zalim bhi

nazar pahlu-ba-pahlu aate hain mahkum-o-hakim bhi

na dekha tum ne shayad un ko ab tak chashm-e-ibrat se

KHuda-ra lo sabaq kuchh bhi to in alwah-e-turbat se

humayun hai yahan aasuda wo qabr-e-halaku hai

suna hai ye koi murshid hai aur wo ek Daku hai

wo shah-zor aaj bekas hain jo kamzoron se laDte the

KHuda jaane ki ahl-e-hilm se kyunkar bigaDte the

karo yaad un buzurgon ko sharafat jin pe hai nazan

na bhulo un ko bhi jo the sipah-salar-e-sharbazan

nigahon mein unhen rakkho ubharna hai agar tum ko

KHayalon mein unhen parkho sanwarna hai agar tum ko