shahr gumnam

jaise koī sayyāh safar se lauTe

jab shaam ko tum lauT ke ghar aaoge

har naqsh mohabbat se tumheñ dekhegā

har yaad ko taktā huā tum pāoge

tum baiThoge afkār kī ḳhāmoshī meñ

sochoge ki is rañj se kyā haath aayā

tum DhūñDne nikle the magar kyā paayā

jam jā.eñgī sho.aloñ pe tumhārī āñkheñ

har sho.ale meñ ik ḳhvāb nazar aa.egā

dīvāroñ pe parchhā.iyāñ lahrā.eñgī

har rāsta āvāzoñ se bhar jā.egā

ik shahr hai ābād tumhāre dil meñ

ik shahr jo gumnām hai nā-paidā hai

ik shahr jo mānind-e-shajar tanhā hai

jaise koi sayyah safar se lauTe

jab sham ko tum lauT ke ghar aaoge

har naqsh mohabbat se tumhein dekhega

har yaad ko takta hua tum paoge

tum baiThoge afkar ki KHamoshi mein

sochoge ki is ranj se kya hath aaya

tum DhunDne nikle the magar kya paya

jam jaengi shoalon pe tumhaari aankhen

har shoale mein ek KHwab nazar aaega

diwaron pe parchhaiyan lahraengi

har rasta aawazon se bhar jaega

ek shahr hai aabaad tumhaare dil mein

ek shahr jo gumnam hai na-paida hai

ek shahr jo manind-e-shajar tanha hai