shararat pe tamasha

sāthī ne kī sharārat aur maar maiñ ne khaa.ī

baajī ne kī shikāyat abbū ne kī piTā.ī

sab ghar meñ so ga.e jab vo chupke chupke uTThā

āhista se kitchen meñ choroñ kī tarah pahuñchā

khurchī tave se kālak phir us meñ tel Daalā

le kar kitchen se niklā kālak bharā pyāla

sab niiñd meñ the kho.e sab be-ḳhabar the so.e

laayā talāsh kar ke ruī ke chand pho.e

us ne banā.īñ jhaT-paT baajī kī dāḌhī moñchheñ

phir sub.h ko huā kyā aao jī ye bhī dekheñ

aisā huā tamāshā aisā huā tamāshā

baajī ko dekhtā jo hañstā vo be-tahāshā

āḳhir unhoñ ne sochā kyā ho gayā hai aisā

kyuuñ hañs rahe haiñ ye sab āḳhir hai mājrā kyā

jab dekhā aa.ine meñ abbū se kī shikāyat

ilzām mujh pe aayā aur bach gayā rifāqat

sathi ne ki shararat aur mar main ne khai

baji ne ki shikayat abbu ne ki piTai

sab ghar mein so gae jab wo chupke chupke uTTha

aahista se kitchen mein choron ki tarah pahuncha

khurchi tawe se kalak phir us mein tel Dala

le kar kitchen se nikla kalak bhara pyala

sab nind mein the khoe sab be-KHabar the soe

laya talash kar ke rui ke chand phoe

us ne banain jhaT-paT baji ki daDhi monchhen

phir subh ko hua kya aao ji ye bhi dekhen

aisa hua tamasha aisa hua tamasha

baji ko dekhta jo hansta wo be-tahasha

aaKHir unhon ne socha kya ho gaya hai aisa

kyun hans rahe hain ye sab aaKHir hai majra kya

jab dekha aaine mein abbu se ki shikayat

ilzam mujh pe aaya aur bach gaya rifaqat