snowman

shahr ke khelte kūdte nanhe munne se bachchoñ ne mil kar mujhe

barf kī ik pahāḌī se kaaTā

tarāshā

mire haath paañv sajā.e

mujhe barf ke chhoTe chhoTe se goloñ se mazbūt kar ke

baḌe pyaar se

ek chaurāhe pe lā kar khaḌā kar diyā

mujh se kuchh der aThkheliyāñ

dil-lagī kā bahāna banīñ

aur phir

jaane kyuuñ

chand bachchoñ ke abrū uThe

shor-o-ġhauġhā huā

mere sar mere paañv mire jism ke

chand gole bane

aur goloñ ko bachchoñ ne ma.asūm hāthoñ se ḳhud

ek ik kar ke uḌtī havā ke havāle kiyā

shahr ke khelte kudte nanhe munne se bachchon ne mil kar mujhe

barf ki ek pahaDi se kaTa

tarasha

mere hath panw sajae

mujhe barf ke chhoTe chhoTe se golon se mazbut kar ke

baDe pyar se

ek chaurahe pe la kar khaDa kar diya

mujh se kuchh der aThkheliyan

dil-lagi ka bahana banin

aur phir

jaane kyun

chand bachchon ke abru uThe

shor-o-ghaugha hua

mere sar mere panw mere jism ke

chand gole bane

aur golon ko bachchon ne masum hathon se KHud

ek ek kar ke uDti hawa ke hawale kiya