subh ka git

sub.h ke dhuñdalke meñ tā.eroñ kī parvāzeñ

aa rahī haiñ mil-jul kar zindagī kī āvāzeñ

mere laal zulmat meñ sub.h-e-nau kī aahaT hai

be-ḳhabar ye aañsū bhī ek muskurāhaT hai

haiñ sahar ke hoñToñ par raushnī ke afsāne

terī aql kyā samjhe terī aañkh kyā jaane

muñh añdhere chiḌiyoñ ne mast giit gaa.e kyoñ

naddiyoñ kī maujoñ ke taar jhanjhanā.e kyoñ

din kī bhiiḌ kyoñ aa.ī raat kyoñ akelī hai

kaise tujh ko batlā.ūñ zindagī pahelī hai

aisī ik pahelī jo harf-o-lafz se pahle

kahtī thī ishāroñ meñ kis tarah se jī bahle

is liye bahar-sūrat ruup ban ke aatī hai

chhāñv ban ke aatī thī dhuup ban ke aatī hai

haiñ sahar ke hoñToñ par raushnī ke afsāne

terī aql kyā samjhe terī aañkh kyā jaane

muñh añdhere chiḌiyoñ ne mast giit gaa.e kyoñ

naddiyoñ kī maujoñ ke taar jhanjhanā.e kyoñ

din kī bhiiḌ kyoñ aa.ī raat kyoñ akelī hai

kaise tujh ko batlā.ūñ zindagī pahelī hai

aisī ik pahelī jo harf-o-lafz se pahle

kahtī thī ishāroñ meñ kis tarah se jī bahle

is liye bahar-sūrat ruup ban ke aatī hai

chhāñv ban ke aatī thī dhuup ban ke aatī hai

zindagī to paltī hai maut hī ke hāthoñ meñ

kholtā hai aañkh apnī din añdherī rātoñ meñ

haiñ sahar ke hoñToñ par raushnī ke afsāne

terī aql kyā samjhe terī aañkh kyā jaane

subh ke dhundalke mein taeron ki parwazen

aa rahi hain mil-jul kar zindagi ki aawazen

mere lal zulmat mein subh-e-nau ki aahaT hai

be-KHabar ye aansu bhi ek muskurahaT hai

hain sahar ke honTon par raushni ke afsane

teri aql kya samjhe teri aankh kya jaane

munh andhere chiDiyon ne mast git gae kyon

naddiyon ki maujon ke tar jhanjhanae kyon

din ki bhiD kyon aai raat kyon akeli hai

kaise tujh ko batlaun zindagi paheli hai

aisi ek paheli jo harf-o-lafz se pahle

kahti thi ishaaron mein kis tarah se ji bahle

is liye bahar-surat rup ban ke aati hai

chhanw ban ke aati thi dhup ban ke aati hai

hain sahar ke honTon par raushni ke afsane

teri aql kya samjhe teri aankh kya jaane

munh andhere chiDiyon ne mast git gae kyon

naddiyon ki maujon ke tar jhanjhanae kyon

din ki bhiD kyon aai raat kyon akeli hai

kaise tujh ko batlaun zindagi paheli hai

aisi ek paheli jo harf-o-lafz se pahle

kahti thi ishaaron mein kis tarah se ji bahle

is liye bahar-surat rup ban ke aati hai

chhanw ban ke aati thi dhup ban ke aati hai

zindagi to palti hai maut hi ke hathon mein

kholta hai aankh apni din andheri raaton mein

hain sahar ke honTon par raushni ke afsane

teri aql kya samjhe teri aankh kya jaane