suhani sham thi

suhānī shaam thī dariyā kā ik kinārā thā

ki us ke pyaar kī ḳhushbū meñ din guzārā thā

simaT ga.iiñ thiiñ kabhī dūriyāñ ki ham tum the

na koī ġham na thiiñ majbūriyāñ ki ham tum the

vo merī sāñsoñ se nazdīk-e-jāñ se pyārā thā

suhānī shaam thī dariyā kā ik kinārā thā

vo Dūbtā huā sūraj thā gahre paanī meñ

hasīn moḌ sā aayā thā ik kahānī meñ

kisī ne chāñd mire saath lā utārā thā

suhānī shaam thī dariyā kā ik kinārā thā

ki us ke pyaar kī ḳhushbū meñ din guzārā thā

damak rahe the vo 'āriz hayā ke rangoñ se

ki dil bahār hue the na.ī umangoñ se

vahī qarār thā merā vahī sahārā thā

suhānī shaam thī dariyā kā ik kinārā thā

vafā ke gītoñ se masrūr thī fazā saarī

ki bin piye vahāñ maḳhmūr thī fazā saarī

so mere chāroñ taraf ḳhvāb sā nazārā thā

suhānī shaam thī dariyā kā ik kinārā thā

dhaḌakte dil kī sadā.eñ sunā.ī detī huiiñ

vo yādeñ guzre dinoñ kī duhā.ī detī huiiñ

jo pahlī baar mujhe pyaar se pukārā thā

suhānī shaam thī dariyā kā ik kinārā thā

ki us ke pyaar kī ḳhushbū meñ din guzārā thā

suhani sham thi dariya ka ek kinara tha

ki us ke pyar ki KHushbu mein din guzara tha

simaT gain thin kabhi duriyan ki hum tum the

na koi gham na thin majburiyan ki hum tum the

wo meri sanson se nazdik-e-jaan se pyara tha

suhani sham thi dariya ka ek kinara tha

wo Dubta hua suraj tha gahre pani mein

hasin moD sa aaya tha ek kahani mein

kisi ne chand mere sath la utara tha

suhani sham thi dariya ka ek kinara tha

ki us ke pyar ki KHushbu mein din guzara tha

damak rahe the wo 'ariz haya ke rangon se

ki dil bahaar hue the nai umangon se

wahi qarar tha mera wahi sahaara tha

suhani sham thi dariya ka ek kinara tha

wafa ke giton se masrur thi faza sari

ki bin piye wahan maKHmur thi faza sari

so mere chaaron taraf KHwab sa nazara tha

suhani sham thi dariya ka ek kinara tha

dhaDakte dil ki sadaen sunai deti huin

wo yaaden guzre dinon ki duhai deti huin

jo pahli bar mujhe pyar se pukara tha

suhani sham thi dariya ka ek kinara tha

ki us ke pyar ki KHushbu mein din guzara tha